Айдоочуларга эскертүү! Өлкөдө кар көчкү түшүүсү күтүлүүдө

16-апрелден 18-апрелге чейин күтүлүп жаткан жаан чачынга байланыштуу Кыргызстандын тоолуу райондорунда жана унаа жолдордо кар көчкү түшүүcү күтүлөт. Бул тууралуу бүгүн, 15-апрелде ӨКМден билдиришти.

Алар:

- Бишкек – Ош унаа жолунун 121-138-чакырымдарында Төө-Ашуу ашуусу;

- 222-250-чакырымдарында Чычкан капчыгайы, Ала-Бел ашуусу;

- Каракол – Эңилчек унаа жолунун 45-90 чакырымдарындагы Чоң-Ашуу ашуусу;

- Барскоон — Ак-Шыйрак автоунаа жолунун 52-68 чакырымдарындагы Сөөк ашуусунда кар көчкү түшүүcү жана кар күрткүсү күтүлөт. Жолдор тайгак болуп, муз тоңот.

Мындан тышкары ӨКМ алыскы жолго чыгууда дөңгөлөк чынжырчасын, күрөк жана ысык суу, жол азыгын, дары-дармек кутучасын алып алууну эскертти.

Ал эми унаалардын ортосунда 500 метр аралык кыймыл чектелиши зарыл.