Көчмөндөр оюндары: Өлкөнүн жер улак боюнча командасы финалга чыкты

Бүгүн, 10-сентябрда Кыргыз курамасы Астана шаарында өтүп жаткан V Дүйнөлүк көчмөндөр оюндарында жер улактан финалга чыкты.

Жарым финалдык оюнда кыргыз улакчылары түркиялыктар менен кез келип, 15:1 эсебинде жеңишке жетти.

Кечээ "Б" тайпасында өлкө курамасы Монголияны 16:0 эсебинде утса, Түркия Венгрияны 1:0 айырмачылыгы менен жеңип алган.

Ал эми "А" тайпасындагы жарым финалдык беттеш эртең, 11-сентябрда Казакстан менен Орусиянын ортосунда болот. Эрежеге ылайык, уткан команда 12-сентябрь күнү Кыргызстан менен финалда кез келет.

Автор: Кылымбек Бейшеев
Фото: Интернеттен алынды