"Эл шылуундарга алданып жатат". Депутат Өмүрзаков онлайн насыя берүүнү татаалдатыш керектигин айтты

Бүгүн, 12-сентябрдагы Жогорку Кеңештин жыйынында депутат Сүйүнбек Өмүрзаков онлайн насыя алууда шылуундарга алданып жаткандар көп болуп жатканын айтты.

Эл өкүлү банктардын онлайн насыя берүү системасынын аркасында жарандарды алдаган шылуундар дагы пайда болгонун белгиледи.

"Элге Улуттук банк, коммерциялык банктар бир канча эскертүүлөрдү айтса дагы жетишсиз болуп жатат. Интернет булактарынан алдамчыларга карапайым элдин алданып калып жатканын угуп жатабыз. Бул боюнча Ички иштер министрлигинин маалыматына таянсак 8 айда 705 факты катталыптыр", - деди эл өкүлү.

Өмүрзаков онлайн насыя берүүдө алдамчылыкты алдын алуу үчүн Санариптик өнүктүрүү министрлиги менен Улуттук банк татаалдаштырылган системаны иштеп чыгышы керектигин айтты.