Израиль Жакынкы Чыгыштагы палестиналыктар калкалоочу БУУнун мектебине сокку урду

Израиль армиясынын Газа тилкесинин түндүгүндөгү БУУнун палестиналык качкындарга жардам жана иш боюнча агенттигинин (БАПОР) мектебине жасаган кол салуусунда кеминде 22 палестиналык каза болду, алардын арасында аялдар жана балдар да бар. Бул тууралуу чет элдик басылмалар жазышууда.

Жебалия качкындар лагеринде жайгашкан жана БАПОР башкарган Эбу Хасан мектеби жер которгон жарандарды баш калкалаган. Палестинанын WAFA маалымат агенттигинин маалыматына караганда, Израилдин аба күчтөрүнүн бомбалоосунун натыйжасында көп сандаган адам жарадар болгон. Мектептин аймагындагы чатырлардан өрт чыккан.

Каза болгондордун жансыз денелери жана жаракат алгандар Кемал Адван жана Аль-Авде ооруканаларына жеткирилди. Бирок медициналык кызматтар жардыруу учурунда мектептин жанында болгон адамдарды табууда кыйынчылык жаратууда. Израиль Газа тилкесинин түндүгүн 13 күндөн бери курчоодо кармап, тургундарды Палестина анклавынын башка бөлүктөрүнө көчүп кетүүгө аргасыз кылууда.

Палестиналык булактардын маалыматына караганда, Израильдин Газа тилкесине кол салуусунан 2023-жылдын 7-октябрынан бери 42 миң 438 палестиналык каза болгон. Алардын 17 миңге жакыны балдар жана 11 миң 378ин аялдар түзөт. Ал эми 99 миң 246 адам ар кандай жаракат алган.