"Алдын ала маалымат бериш керек". Депутат автобекеттин көчүрүлүшү боюнча маселе көтөрдү

Бүгүн, 24-октябрдагы Жогорку Кеңештин жыйынында депутат Бактыяр Калпаев автобекеттин көчүрүлүшү боюнча маселе көтөрдү.

Анда эл өкүлү мэрия алдын ала түшүндүрүү иштерин жүргүзүшү керектигин айтты.

"Кечээ Бишкекте автобекетти көчүрүү иштери болду, азыр ал жердеги таксисттер, биздин жарандар эмне кыларын билбей турат. Мэрия алдын ала 10-15 күн мурун элге маалымат бериш керек эле. Мен жаңы автобекет курулуп, өзгөрүүлөр болгонун колдойм. Бирок элге маалыматты алдын ала жеткирсек болмок", - деди депутат.

Белгилей кетсек, кечээ, 23-октябрда мэрия Батыш автобекети, анын ичинде "Ак-Жол" кичи автобекеттин ишин толугу менен токтотуп, аны көчүрүү боюнча иш жүргүзүлгөнүн кабарлаган.