"Сен муну кийин кыла аласың". Трамп Путиндин сунушунан баш тартканын айтты

АКШнын президенти Дональд Трамп Орусиянын лидери Владимир Путиндин Иран менен Израилдин ортосундагы жаңжалды жөнгө салууда ортомчулук кылуу сунушунан баш тартканын билдирди. Ал кечээ, 18-июнда Ак үйдүн көк чөптүү аянтына флагшток орнотуу учурунда журналисттерге бир күн мурун Путин менен телефондон сүйлөшкөнүн айтты.

"Чынында ал ортомчулук боюнча жардам берүүнү сунуштады. Мен: "Владимир, кел, адегенде Орусия тууралуу сүйлөшөлү, макулбу? Сен муну кийин кыла аласың дедим",- деди Трамп.

Ак үй башчысы ошондой эле Орусия менен Украинаны "акылсыздар" деп атап, ал президент болуп турганда согуш эч качан башталмак эмес экенин дагы бир жолу эскертти.

Автор: Кылымбек Бейшеев
Фото: Интернеттен алынды