Ош шаарындагы эстакадалык көпүрөнүн курулушу улана баштады

Ош шаарындагы эстакадалык көпүрөнүн курулушу улана баштады. Мэриянын билдиришинче, көпүрөнү куруу 3 этапка бөлүнүп, 1-этабында жер алдынан суу түтүктөрүн өткөрүү жана башка жумуштар аткарылат. Курулуштун 1-этабын 3 айда бүтүрүү пландалып жатыптыр. Ал эми көпүрөнү ишке берүү 2015-жылдын май айына пландалган.

Эстакадалык көпүрөнүн курулушуна жалпы 450 миллион сом сарпталышы күтүлүүдө. Ош шаарынын мэри Айтмамат Кадырбаев "бул көпүрө кылымдар бою элге кызмат кылган, шаарыбызга көрк берген, шаардыктардын жашоосун жеңилдеткен көпүрө болсун" деп билдирди.

Автор: Айсана Паизова