“Батир алуу үчүн адамдар айлап-жылдап жебей, ичпегенге мажбур. Ипотекалык кредит берүүнү жеңилдетүү өтө зарыл, анын үстүнө бул кадамга барууга финансылык рыноктун стабилдүүлүгү мүмкүндүк берет”, - дейт Өмүрбек Бабанов.
"Азыркы учурда 3 бөлмөлүү батир алуу үчүн 45 миң доллар керектелет, бул сумманы 15 жылдын ичинде кайтарып берүү керек. Жарандар эч кандай пайызы жок жыл сайын 225 доллар кайтарып бериши абзел. Азыр өлкөдөгү орто айлык-акынын баасы болжол менен 200 долларды түзөт. Эгер бир үй-бүлөдө аялы дагы, күйөөсү дагы иштесе анда алардын бир айлык кирешеси 400 долларды түзөт. Маңдай тер менен табылган акчанын 225 долларын алар ипотекага төлөсө, ошондо бир үй-бүлө айына 175 долларга жашашы керек. Бул туура эмес”, - дейт саясатчы.
Бүгүнкү күндө турак жай менен камсыз кылуу үчүн ар бир киши башына 3 чарчы метр тиет. Бул башка КМШ өлкөлөрүнөн 1,5 эсеге аз, ал эми калкы жыш жайгашкан Кытайдан 2 эсе аз.