Теңизбек Абжапаров Мамлекеттик салык кызматынын төрагалыгынан бошотулду

Тектеш кабарлар: 2019-жыл ичиндеги кадрдык өзгөрүүлөр (95 материал)

Теңизбек Абжапаров өзүнүн жазган арызынын негизинде Мамлекеттик салык кызматынын төрагалыгынан бошотулду. Тиешелүү жарлыкка өкмөт башчы Мухаммедкалый Абылгазиев кол койду. Бул тууралуу өкмөттүн басма сөз кызматы билдирди.

Теңизбек Абжапаров 2018-жылдын май айынан тарта мамлекеттик салык кызматынын башчысы катары иштеп келген эле.

Ал 1970-жылдын 9-январында Ош облусунун Өзгөн районунда туулган. 1993-жылы Кыргыз мамлекеттик университетинин "Бухгалтердик эсеп, көзөмөл жана чарбалык ишмердүүлүккө анализ" адистигин аяктаган.

Ишмердүүлүгү:

1995-2002-жылдары Финансы министрлигинде башкы адис кызматынан бөлүм башчылыкка чейин жеткен;

2002-2009-жылдары Социалдык фонддун бир нече кызматында эмгектенген;

2009-2013-жылдары социалдык фонддун төрагасынын орун басары;

2013-2016-жылдары аталган фонддун төрагасынын биринчи орун басары;

2016-2018-жылдары социалдык фонддун төрагасы.

Автор: Айпери Ганыжан кызы