Жээнбеков Назарбаев менен жолугушуп, бир чечимге келишкени айтылды

Тектеш кабарлар: Кыргыз-Казак чек арасына байланыштуу көйгөйлөрдүн чоо-жайы (2017-жылдын 1-январынан бери) (98 материал)

Бүгүн, 30-ноябрда Беларуста өтүп жаткан саммитте Кыргыз Республикасынын президенти Сооронбай Жээнбеков Казакстандын башчысы Нурсултан Назарбаев менен жолугушту.

Президенттер эки тараптуу мамилелерди өнүктүрүү жана Кыргыз-Казак чек арасындагы кырдаалды жөнгө салуу маселелерин талкуулашты. Назарбаевдин айтымында, чек арада эки жактан көзөмөл коюу боюнча чечим кабыл алынды. Мындан тышкары ал Кытай менен чек арада да текшерүү боло турганын билдирди.

Сооронбай Жээнбеков Казакстандын президенти менен бардык маселелер боюнча пикир алмашып, бир чечимге келишкенин айтты. "Эки өлкөнүн өкмөттөрү декабрь айынын ичинде жол картасын иштеп бүтүш керек. Ошондо маселелердин көбү чечилет. Чек ара жол картасы бекитилгенге чейин ачылат", - деди Жээнбеков.

Айта кетсек, Кыргыз-Казак чек арасындагы тоскоолдуктар ушул жылдын 10-октябрында жаралып, ошол күндөн бери бир канча оор жүк ташуучу унаалар жүк алып өтө албай кезекте турат.

Автор: Нургазы Аматов
Фото: Султан Досалиев