Кыргыз улуттук көркөм сүрөт музейине Мира Жангарачева директор болуп дайындалды

Тектеш кабарлар: 2019-жыл ичиндеги кадрдык өзгөрүүлөр (95 материал)

Гапар Айтиев атындагы Кыргыз улуттук көркөм сүрөт музейине философия илимдеринин кандидаты, доцент Мира Жангарачева директор болуп дайындалды. Бул тууралуу Маданият, маалымат жана туризм министрлигинин басма сөз кызматынан билдирди.

"Бүгүн, 19-июнда Кыргыз улуттук көркөм сүрөт музейине жаңы директор дайындалды. Тиешелүү буйрукка министр Азамат Жамангулов кол койду. Мира Жангарачева музейдин жалпы жамааты менен таанышты", - деп билдиришти маалымат кызматынан.

Кыргыз улуттук көркөм сүрөт музейинин мурдагы директору Юристанбек Шыгаев эмгек өргүүсүнө чыгып, андан ары кызматтан кетүү боюнча арыз жазган. 28-майда Шыгаев ээлеген кызматынан бошотулган.

Мира Жангарачева 1952-жылы төрөлгөн. Кыргыз мамлекеттик университетинин тарых факультетин аяктаган. Андан кийин М.Ломоносов атындагы Москва мамлекеттик университетинде билим алган.

Эмгек жолу:

1974-1992-жылдары - Фрунзедеги политехникалык университетинде окутуучу, кафедра башчысы, декан;

1992-1995-жылдары - Бишкек шаардык социалдык маселелер боюнча вице-мэри;

1995-1996-жылдары - Жогорку Кеңештин депутаты;

1996-1997-жылдары - Кыргыз Республикасынын социалдык маселелер боюнча вице-премьер министри;

1997-1998-жылдары - Кыргыз Республикасынын президенттик аппаратынын социалдык маселелер бөлүмүнүн башчысы;

1998-1999-жылдары - Кыргыз Республикасынын эмгек жана социалдык коргоо министри;

1999-2000-жылдары - Өкмөттүн Чүй облусундагы ыйгарым укуктуу өкүлүнүн орун басары;

2000-2015-жылдары - Бириккен улуттар уюмунун өнүктүрүү программасынын социалдык маселелер боюнча менеджери.

Автор: Бактыгүл Момбекова

13:37 19-06-2019

Жазылуу

РУБРИКАДАГЫ СОҢКУ КАБАРЛАР

09:26 2024-05-19 | Түркүн дүйнө

Пакистандын Тышкы иштер министрлиги кыргыз элчисин чакыртты 296 0

09:08 2024-05-19 | Түркүн дүйнө

"Полиция тосмо орнотуп". Исламабаддагы Кыргызстандын элчилигинин алдында нааразылык акциясы өттү (видео) 535 0

23:57 2024-05-18 | Коом жана турмуш

"Биз мусулманбыз". Бишкектеги пакистандык студенттер видео кайрылуу жасашты 5148 0

21:18 2024-05-18 | Коом жана турмуш

Бишкектеги окуя: Бишкектин төрт районунда штаб өткөрүлдү 1377 0

19:59 2024-05-18 | Түркүн дүйнө

Казакстан Кыргызстан менен чек арадагы кырдаал боюнча билдирүү жасады 3805 0

18:04 2024-05-18 | Кылмыштар, кырсыктар

Бишкекте түндө болгон окуя: ИИМ дагы бир жолу билдирүү жасады 2854 1

Архив

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.