Садыр Жапаровдун тарапташтарынын сотунда күбө "Провокация уюштурган спорттук дене түзүлүштөгү балдар жүргөн" деп көрсөтмө берди

Тектеш кабарлар: Садыр Жапаровдун жана анын тарапташтарынын соттук иштери (187 материал)

Бүгүн, 28-июлда Бишкек шаарынын Биринчи Май райондук сотунда Садыр Жапаровду колдоо митингинде "баш аламандык уюштурган" деп айыпталып кармалган жарандардын иши боюнча соттук отурум уланды. Анын жүрүшүндө күбө катары Бактыгүл Жумакадырова суралып, соттолуучуларды тааныбай турганын айтты.

"Мен соттолуучуларды тааныбайм. Садыр Жапаров менен социалдык тармактардан таанышмын. Ал өлкөгө келгенде мен да баргам. Эл менен кошо УКМКнын жанына бардык. Ал жерге баргандар "Жапаровго боштондук!" деп кыйкырып жатышты. Эл менен милициянын ортосунда пикир келишпестик болгон жок. Бир убакта спорттук дене түзүлүштөгү балдар пайда болду. Алар мени жөөлөп кетишти. Арасынан бирөөсү "үйдө эле тамак жасап отура бербейсиңби" деп кекетишти. Бир учурда милициялар дубинка менен уруп жатты. Арасынан Казиев деген баланы милициялар бетке тээп жиберишти. Бир учурда Чыңгыз Кожогелдиев автобустун айнегинен башын чыгарып "балдарды милиция кызматкерлери уруп жатат. Эмне турасыңар?!" деп кыйкырып жатыптыр. Бул жерде атайын провокация уюштурган топ бар болчу", - деп билдирди күбө Жумакадырова.

Ал эми экинчи күбө Рахатбек Эсенов айыпталып жаткандардын арасынан Сабыр Жапаровду тааный турганын билдирди.

"Мен соттолуучулардын арасынан Сабыр Жапаровду жана алардын туугандарын тааныйм. Анткени мен Садыр Жапаров менен иштешкем. Митингден кийин Сабыр Жапаров экөөбүз Биринчи Май РИИБине бардык. Бир убакта артыбыздан күч түзүмүндө иштейбиз деп жарандык кийимчен 4 бала алып кетишти. Андан соң мени "сен тизмеде жок экенсиң" деп чыгарып жиберишти. Ага чейин биз кармалып турганда милициянын жетекчилеринин бири кармалып тургандардын арасынан Жапаровдун туугандарын алып чыгып кеткен болчу", - деди Эсенов.

Кийинки соттук отурум 31-июлга белгиленди.

Автор: Акназар Сулайманкулов
Фото: Акназар Сулайманкулов

12:14 28-07-2017

Жазылуу

РУБРИКАДАГЫ СОҢКУ КАБАРЛАР

17:54 2024-05-20 | Кылмыштар, кырсыктар

Ошто эки жаран өзгөчө ири өлчөмдөгү героин менен кармалды 77 0

17:33 2024-05-20 | Коом жана турмуш

Депутат Кадырбеков чет элдик студенттердин агымын жоготуп алуу коркунучу бар экенин айтты 142 0

17:30 2024-05-20 | Кылмыштар, кырсыктар

"Кол көтөргөн, тепкен..." Бишкекте эркек адам кичинекей кызга кол көтөрдү (видео) 211 0

17:17 2024-05-20 | Коом жана турмуш

"Акчаны эмнеге короторун билет". Адис финансы жактан сабаттуу адамдын белгилерин атады (маек) 276 0

17:14 2024-05-20 | Саясаттагы соттук иштер

Президент жатаканада чет элдик студенттерге кол салгандардын баары жазаланарын айтты 305 0

17:01 2024-05-20 | Коом жана турмуш

Талас РИИБинин жаңы имаратына капсула салынды 157 0

Архив

Комментарийлер (1)

KGstan1981

2017-07-28 12:57:22

Кыргызстанга Путин келгенде Атамбаев жан сакчыларына жуз грамдан уруп албайсынарбы дегендей.Ошол митингте дагын Атамбаевтин жан сакчысы азыркы ИИМдин министри болгон озунун граждандык кийим кийген кызматкерлерине жуз грамдан берип провакация уюштургула деп буйрук берген.Ошону учун Атамбаевти о.э анын шопурун,жан сакчысын(азыркы ИИМ башчысын),УКМКнын башчысын,кара жашик КТРКнын башчысын, сотторду баарын Аллахым озу жазасын берсин оомийн!

-2

Комментарий калтыруу үчүн өз ысымыңыз менен кириңиз же каттоодон өтүңүз.