Алтынга тете күмүш! 3:4 эсебинде. Айсулуу Тыныбекова Олимпиадада күмүш медаль тагынды

Тектеш кабарлар: "Токио-2020" Дүйнөлүк жайкы Олимпиада боюнча бардык кабарлар топтому https://www.super.kg/kabar/news/369923/ (163 материал)

"Токио-2020" жайкы Олимпиада оюндарында эркин күрөш боюнча мекендешибиз Айсулуу Тыныбекова күмүш медаль утту. Бул эгемендүү кыргыз тарыхындагы үчүнчү күмүш байге. Буга чейин 2008-жылдагы Пекин Олимпиадасында Канат Бегалиев грек-рим күрөшү боюнча күмүш медаль уткан. Ал эми экинчи күмүш медалды кечээ гана Акжол Махмудов багындырды.

Мекендешибиз финалдык беттеште жергиликтүү спортчу Юкако Каваиден намыс талашты. Анда эсеп 3:4 эсебинде Каваинин жеңиши менен аяктады. Анткени менен Айсулуу Тыныбекова күрөштүн 2-бөлүгүндө атаандашына 2 ирет коркунучтуу учурларды жаратып, татыктуу күрөш көрсөттү.

Белгилей кетүүчү нерсе, балбан кызыбыз япониялык бул спортчу айым менен буга чейин 3 жолу килем үстүндө жолуккан. Анын экөөсүндө мекендешибиз Айсулуу Тыныбекова жеңишке жетишсе, тилекке каршы, бир жолкусунда жеңишти колдон чыгарып жиберген эле.

Белгилей кетсек, Айсулуу Тыныбекова "Токио-2020" Олимпиадасындагы эң алгачкы беттешин латвиялык Алёна Григорьева аттуу балбан кыз менен өткөргөн. Анда балбан кызыбыз эч кыйналбастан 8:0 эсеп айырмачылыгында жеңишти камсыздаган.

Андан соң чейрек финалдык баскычта румыниялык Криста Тунде менен кез келген. Ал беттеште да мекендешибиз атаандашын мөөнөтүнөн мурда таза жеңиш менен утуп алган.

Ал эми жарым финалда украиналык балбан кыз Ирина Коляденко менен беттешип, каршылашын буйдамга келтирбестен 10:0 эсебинде жеңип, Олимпиаданын финалына чыккан.

Бул жеңиштен кийин Кыргыз өлкөсү Олимпиадалык рейтингде бир топ алдыга жылып, 2 күмүш жана 1 коло медаль менен Армения, Колумбия жана Доминикана Республикасынын катарында 58-орунга жайгашты.

Эске салсак, буга чейин спортчуларыбыздын арасынан Акжол Махмудов грек-рим күрөшү боюнча күмүш медалды багындырса, Мээрим Жуманазарова эркин күрөш боюнча коло байгени камсыздаган.

18:28 04-08-2021

Айсулуу Тыныбекованын финалдагы беттеши

Автор: Жанбулат Жумабеков

Жазылуу

РУБРИКАДАГЫ СОҢКУ КАБАРЛАР

17:42 2024-04-27 | Коом жана турмуш

Кыргызстан Кытайга кайсы айыл чарба продукцияларын экспорттойт? Министрликтин маалыматы 81 0

17:30 2024-04-27 | Коом жана турмуш

Чоң-Арык конушунда үй-бүлөлүк медицина борборунун курулушу башталды 64 0

17:18 2024-04-27 | Коом жана турмуш

Ош шайлоо округунан Жогорку Кеңештин депутаттыгына аттанган эки талапкер шайлоодон четтетилди 248 0

16:37 2024-04-27 | Саясат

Топографиялык жумушчу топтордун кезектеги жолугушуусу болуп өттү 183 0

15:53 2024-04-27 | Коом жана турмуш

Ички иштер министри шайлоодо мыйзам бузууга жол бергендер жазаланарын эскертти 255 0

15:09 2024-04-27 | Саясат

Малайзиядагы Кыргызстандын элчилигине вице-спикер келди. Талкууланган маселелер 271 0

Архив

Комментарийлер (6)

Nursul

2021-08-04 18:34:45

Эң жакшы бул. Экрандан көзүмдү албай күрөш башталган күндөн бери мекендештерибизди колдоп иш кылбай тв карап отурам ден соолук каалайм балбандарыбызга.

muslima-0788

2021-08-04 18:34:52

Айсулуу сен азаматсың!!!Күмүш медалыбыз кут болсун элим.Кыргыздын сыймыгы Айсулуу.

Tinatin2002

2021-08-04 18:36:40

Куттуктайм. Бирок Айсулуудан алтын куткон элем. Мейли кумуш болсо да Кут болсун

+10

Mubarak

2021-08-04 18:47:27

Баарыбыз еле адтын куттук еле ишенип алып бирок бул да ен жакшы куттуктайм алтынды да алат буйруса олимпиада татыктуу оюн корсотту ушунун озу ердик аял киши учун тем более

Alfiya

2021-08-04 19:27:03

Алтын дагы болуп калаар.

Salixa.

2021-08-04 20:05:50

Айсулуу Азаматсың биз үчүн алтынга тете күмүш уттуң !

Комментарий калтыруу үчүн өз ысымыңыз менен кириңиз же каттоодон өтүңүз.