Садыр Жапаровдун эки тарапташы абактан бошотулду

Тектеш кабарлар: Садыр Жапаровдун жана анын тарапташтарынын соттук иштери (187 материал)

Учурда камакта отурган мурдагы депутат Садыр Жапаровдун эки тарапташы абактан бошотулду. Мындай чечим Аламүдүн райондук соту тарабынан бүгүн, 21-ноябрда кабыл алынганын SUPER.KG'ге жактоочу Шарабидин Токтосунов кабарлады.

Анын айтымында, 4 жылдан эркинен ажыратылган Эркланбек Тагаев менен Манап Бегишев жаза мөөнөтүнүн жарымынан көбүн өтөп, эч кандай тартип бузбаганы үчүн шарттуу түрдө эркиндикке чыгышты.

Жактоочу Токтосунов жакын арада Садыр Жапаровдун Калыбек Жапаров деген дагы бир тарапташы бошотула турганын кошумчалады.

"Бул үчөө тең Биринчи Май райондук сотунун чечими менен 4 жылдан кесилишкен эле. Алардын абакта отурган мөөнөтү 2 жыл бир ай болуп, эч кандай тартип бузууга барышпагандыктан Эркланбек Тагаев менен Манап Бегишев бүгүн мөөнөтүнөн мурда эркиндикке чыгышты. Жакын арада Калыбек Жапаров дагы чыгып калат. Алар жазасын өтөгөн Молдовановка айылындагы №27-колонияда Жапаровдун Чыңгызхан Кожогелдиев деген дагы бир тарапташы жазасын өтөп жатат. Ал 8 жылга эркинен ажыратылгандыктан азырынча чыгарылбайт", - деди Токтосунов.

Эскерте кетсек, 2017-жылдын 25-мартында УКМКнын алдындагы Садыр Жапаровду колдоо митингинде жалпы 105 адам кармалган. Алардын 12сине "бейбаштык", "милиция кызматкерине кол көтөрүү", "бирөөнүн мүлкүн сындыруу" беренелеринин негизинде кылмыш иши козголгон. Биринчи Май райондук соту ошол эле жылдын 5-сентябрында жетөөнү 1 жылдан шарттуу, үчөөнү 4 жылдан, бирөөнү 8 жылга кескен. Ал эми алар менен кошо кармалып отурган Сабыр Жапаров сот залынан бошотулган.

жаңыланды 07:39 22-11-2018
кошулду 00:56 22-11-2018

Автор: Жамалидин Парманкулов

Жазылуу

РУБРИКАДАГЫ СОҢКУ КАБАРЛАР

15:38 2024-05-10 | Коом жана турмуш

Быйыл Кытайга 10 миң тоннага чейин гилас экспорттоо күтүлүүдө 81 0

15:36 2024-05-10 | Кылмыштар, кырсыктар

Бишкекте адам өлтүрүүгө шектелген жаран кармалды 111 0

15:27 2024-05-10 | Коом жана турмуш

Бишкекте Чолпонбай Түлөбердиев атындагы музей ачылды 99 0

15:25 2024-05-10 | Супер-Инфо

Темирлан Акматов, ырчы Алтынай Нарбаеванын уулу: “Ошол окуяда апам менен абдан сыймыктандым...” 123 0

15:08 2024-05-10 | Коом жана турмуш

Көпчүлүк аймакта жаан жаайт. 11-майга карата аба ырайы 176 0

15:06 2024-05-10 | Кылмыштар, кырсыктар

Кызыл-Кыяда интимдик кызмат көрсөтүүгө шектелип эки аял кармалды 422 0

Архив

Комментарийлер (5)

romaantik

2018-11-21 19:04:32

Жээнбеков да сот адилеттуулугун орноттум десе биринчи кезекте Жапаров сыяктуу саясий туткундар акталып чыгыш керек. Калп эле иштемиш болуп убакыт откорбой. Озбекстан Армения сыктуу олколордо бийлик алмашышы менен дароо алдыга жылуу байкалды. А бизде болсо баягы эле ууру каракчылардын заманы окум суруудо

Mikra

2018-11-21 19:18:08

romaantik,туура айтасын.менин ойумду жасыпсын.биздин бийликти эскилер башкарып турат.эгер Жээнбеков озунун мээси менен башкарганда совсем башкача болмок.1 жыл болуп калды президент болгонуна Кыргызстанды гулдотуш керек эле.6айда эле.менимче булдагы оз кызыкчылыгы менен кетип жатат.тууган уругун жада калса айласы кеткенде кудаларын коюп жатат чон чон кызматтарга.

+10

CEO1

2018-11-21 19:26:17

Эл уулдары абакта, сургундо, куугунтукта. Ууру-каракчылар бийликте. Бул бугунку кундун чындыгы...

Айрыкча Жапаровго атасына топурак салдырбай зар какшаткан Атамбаев менен Жээнбеков эл астында болбосо да, Кудай астында жооп берээр кун келээр.....

BekAmir

2018-11-21 19:40:15

С Жапаров Кыргыз элине керек

RaHat19

2018-11-22 20:20:27

ак ийилет бирок сынбайт садыр нуркожоевич жакында кудайымдын буйругу менен чыгат.Алдыда дагы коп кызмат кылат элине

Комментарий калтыруу үчүн өз ысымыңыз менен кириңиз же каттоодон өтүңүз.