Ата салты: Казанга эң алгач кар жилик салынат. Эмне үчүн аталган жиликти душмандан коргойт дешет?

Тектеш кабарлар: Ата салты (22 материал)

Кар жилик койдун алдыңкы бутунун тизеден күң жиликке чейинки бөлүгү. Кар жилик эт тартууда сыйлуу жиликтердин катарына кирет. Койдун башка жиликтеринен айырмаланып кар жиликке байланыштуу көптөгөн ырым-жырымдар, атадан калган үрп-адаттар бар. Алардын бири катары казанга эт салууда эң алгач кар жиликтин салынышы. Аны өз көзүбүз менен көрүп жүрөбүз, бирок кар жиликтин эмне себептен казанга биринчи салынарын көпчүлүк биле бербесе керек.

Айрымдар аны кой суу ичкенде кар жилик биринчи сууга түшкөнү менен түшүндүрүшсө, айрымдар кар жилик улуу болгондуктан казанга биринчи салынат дешет.

Филолог Сыртбай Мусаев кар жиликтин казанга биринчи салынышын төмөндөгүдөй түшүндүрдү.

"Кыргыз эли башынан адамдар ортосундагы мамилени жакшыртууга өзгөчө маани берип келишкен. Үйүнө келген конокту сыйлап, урматтап, тамак берген. Кээ бири бата тилеп, кой союшкан. Мына ошол кой союлуп, этин казанга салуу да өзүнчө үрп-адаттар менен коштолот. Казанга суу куюлган соң адегенде кар жилик салынат. Биринчиден, улуу жилик катары эсептелет. Экинчиден, кар жилик "адамдарды сактайт" деген ишеним бар. Кыргыздар кар жиликти таза мүлжүп, чакпай алыс жакка ыргытып, "Менчилеп жылкы кайтарып, элди сактап жүр" дешкен", - деди Мусаев.

Элдик ишеним боюнча, кар жилик үйдү, малды душмандардан, ууру-бөрүлөрдөн коргогон. Аны жигиттин жилиги дешип, жатарда кар жиликти боз үйдүн керегесине кыстарып "бүгүн сен жылкы кайтар, короо кайтар" деп айтышкан. Эгерде алыс жолго чыкса куржунга кар жиликти салып, кырк жигит коштойт деп эсептешкен. Кар жиликти коркунуч келе турган учурда пайдаланышкан. Душманды алсыратып, анын тукумунан даражалуу адам чыкпасын дешип эки жиликти бир жерге кагышкан.

Автор: Бекжан Рыскулов

жаңыланды 15:01 16-02-2021
кошулду 21:49 05-10-2017

Жазылуу

РУБРИКАДАГЫ СОҢКУ КАБАРЛАР

13:28 2024-05-18 | Коом жана турмуш

Бишкектеги окуя: Кыргызстан Пакистандан маалымат каражаттарына түшүндүрүү жүргүзүүнү суранды 363 0

13:00 2024-05-18 | Коом жана турмуш

Пакистандын элчилиги Бишкектеги окуяга реакция жасады 1056 0

12:27 2024-05-18 | Коом жана турмуш

Түндөгү Бишкектеги окуя: Тышкы иштер министрлиги билдирүү жасады 775 0

11:25 2024-05-18 | Коом жана турмуш

Алымкадыр Бейшеналиев жаагы сынган пакистандык жаранга барды 1651 0

10:39 2024-05-18 | Кылмыштар, кырсыктар

Бишкектеги түндөгү окуя: ИИМ эртең мененкиге карата билдирүү жасады 1628 0

10:18 2024-05-18 | Кылмыштар, кырсыктар

Бишкек ШИИББдин башчысы кармалган чет элдик студенттер эмне болорун айтты 1746 0

Архив

Комментарийлер (22)

kechirmeni

2017-10-05 15:52:57

Ширк

-2

Patriot7

2017-10-05 16:23:19

kechirmeni, жакшыбы жаманбы, туура же туура эмеспи, кандай болгондо да бул биздин кылымдар карыткан каада-салттын бир кичине болугу.

Бул ата-бабаларыбыздын ишеними, ага сени ишен деп мажбурлаган эч ким жок. Бирок тушунуу, сый менен мамиле кылуу керек... Ата-бабаларыбыз исламды кабыл алганына болгону 3-4 кылым болду. Ага чейинки миндеген жылдар тарыхычы?!! Оз ата-бабанды жээрип, арабдардын этегин кармаганын жакшыбы?!! Динди салтка каршы койгонду токтоткула, чала молдо бузар болбой!

+31

Tyty1990

2017-10-05 16:36:24

Ширктин бир туру

-3

Ernisbii

2017-10-05 17:05:04

Tyty1990,Ширк болсо сен ата бабаңдын салттарынан кечип сал.

Tyty1990

2017-10-05 17:18:39

Ernisbii,кой аллахтын жараткан макулуктарынын бири . Анын кар жилигин биринчи саласынбы акыры саласынбы эч кандай эч нерседен сактабайт. Ал жон эле койдун бир болугу кантип душмандан сактайт?

XxX_1

2017-10-05 17:44:02

Tyty1990, Сактайт дебейле, ошентип эсептешкен деп жатат. Демек, мурун динден кабары жок убакта эсептелген. Анан ал кылым карытып, салтка айланып калбадыбы. Чымындан Пил жасай бербегилечи.

moskoy

2017-10-06 00:57:42

Tyty1990,силер деле сакалда периштелер ойнойт деп жатпайсынарбы эч кандай ойнобойт эч ким коргон эмес

moskoy

2017-10-06 00:53:09

Tyty1990,арабдын салты сенин ата бабандын салтынан да ыйыкпы

-2

ekaterinburg

2017-10-05 17:18:49

Урматтуу Супер-инфо!Ушул тема боюнча дагы тест тузуп койсонор жакшы болот эле.Жиликтоо,устукандоо,уча боюнча.Кобуно кызык болсо керек деп ойлойм.Рахмат.

+13

admin_superstan

2017-10-05 17:44:34

ekaterinburg, саламатсызбы! Сунушуңузга рахмат, эске алабыз.

tursunbaev78

2017-10-05 18:46:25

Кар жилик сыйлуу эмес,каалабаганга кар жилик дейт

toko08

2017-10-05 18:51:12

Кар жилик козу туулуп жатканда жиликтерден биринчи сыртка чыгат ошон үчүн биринчи казанга салынат деп уккам.

Kroxa

2017-10-05 19:56:55

Кудай сактасын.. салт болсо болгондур кааласан карма каалабасан кармаба..ата бабам салтындан айланайын Кыргыз калкым..

zhykyo

2017-10-06 07:12:17

Ичке жагынан ийне жасашчу тешкенге мисалы:тери тешкенге керектуу озуно буюм жасаганга жана ийне жоголуп кетет дегендей сактап коюшчу

admin_superstan

2017-10-06 11:43:40

makkss25, башкалардын улутун, динин жана башка нерселерин кемсинткен билдирүүлөргө тыюу салынган. 5 күнгө БАН!

supish2017

2021-02-16 19:12:15

Ширк десе салт деп чычалайсынар.
"Кар жилик сен кой кайтар" дегени эмне анда карангылыкпы!?
Эми сөөккө ишенгиле анда..

bratanyn

2021-02-16 20:16:41

Кар жиликти чегарага илгиле анда?

Hurem

2021-02-17 00:20:42

bratanyn,:)))))

Jacob.

2021-02-16 20:27:40

Тенирчилерге Кудай бериптир да, салт менен динди аралаштырып аталасын чыгарыпсынар го.. Ислам динин тутунган адам арабтардын салтын колдонот деп дедский сад боло бербегилечи...

Rahat.

2021-02-16 21:22:21

Келгиле салты да эске алалы эгерде антпесек Ата бабаларды урдум дегенге жакын болуп калат ко.Азыркы тиги дуйнону коргондор суйлоп жаткандар биздин Ата бабалар коргонду кылганды кыла элек.

Nur777

2021-02-16 22:19:41

Кандайча кар жилик улуу?! Жото жилик улуу эмеспи кар жиликке караганда...

Nursul

2021-02-17 09:34:11

Бир адам бар эле ушул нерсеге катуу ишенчи короо сарайларына үйүнө илип алган малды уурулардан коргойт мал көбөйөт деп ишенчү кийин малдары өзүнөн өзү жок болуп өлүп жок болгон. Бул сөөктөр эч кандай пайда алып келбейт жанакы талга чүпүрөк байлап сыйынышат ко ошондой эле деп илген сөөктөрүн баарын ыргыткан.

Комментарий калтыруу үчүн өз ысымыңыз менен кириңиз же каттоодон өтүңүз.