Токио-2020: Медалдардын саны боюнча Кыргыз өлкөсү 61-орунга жайгашты

Тектеш кабарлар: "Токио-2020" Дүйнөлүк жайкы Олимпиада боюнча бардык кабарлар топтому https://www.super.kg/kabar/news/369923/ (163 материал)

Токио шаарында өтүп жаткан XXXII жайкы Олимпиада оюндарында Кытай АКШны артка калтырып, медалдардын саны боюнча биринчи орунда келүүдө.

Бүгүн, 4-август Бишкек убактысы боюнча саат 19:20га карата Кытай 32 алтын, 22 күмүш жана 16 коло медалы менен биринчи орунда. Экинчи орунга АКШ 25 алтын, 30 күмүш, 22 коло медалы менен жайгашса, Япония 21 алтын, 7 күмүш жана 12 колосу менен үчүнчү орунга жайгашты.

Ал эми Кыргыз өлкөсү 2 күмүш (Айсулуу Тыныбекова), (Акжол Махмудов), 1 коло медалы (Мээрим Жуманазарова) менен 61-орунга чыкты.

Токио Олимпиадасы 2020-жылдын 24-июлунан 9-августуна чейин өтүшү керек болчу. Пандемияга байланыштуу мелдеш бир жылга жылдырылып, эми 2021-жылдын 23-июлунан 8-августуна чейин өтүүдө.

Олимпиадага Кыргыз өлкөсүнүн атынан 16 спортчу катышууда.