"Келе жаткан Олимпиадада ишеничиңиздерди актайм". Айпери Медет кызы кыргыз элине кайрылуу жасады

Тектеш кабарлар: "Токио-2020" Дүйнөлүк жайкы Олимпиада боюнча бардык кабарлар топтому https://www.super.kg/kabar/news/369923/ (163 материал)

"Токио-2020" жайкы Олимпиада оюндарында эркин күрөш боюнча өлкө намысын коргоп, жарым финалга чейин жеткен балбан кызыбыз Айпери Медет кызы социалдык тармактагы баракчасы аркылуу кыргыз элине кайрылуу жасады. Анда балбан кыз Олимпиададан байгелүү орунга жетише албай калганы үчүн кечирим сураган.

"Урматтуу кыргыз элим, тилекке каршы, Токио шаарында болуп өткөн жайкы Олимпиада оюндарында сиздерге жакшы маанай тартуулай албай калдым. Сиздерге терең ыраазычылык билдирем. Мага болгон колдооңуздар дем-күч берүүдө. Буюрса, келе жаткан 2024-жылдагы Олимпиада оюндарында сиздердин ишеничиңиздерди толук актайм деген үмүттөмүн", - деп жазып калтырган спортчу кыз.

Белгилей кетсек, "Токио-2020" Олимпиадасында Айпери Медет кызы алгачкы беттешинде коңшу казакстандык Элмира Сыздыкова менен килемге чыгып, атаандашын 6:1 эсебинде жеңип алган.

Андан соң чейрек финалда күчтүү делинген орусиялык Наталья Воробьева менен кез келип, 12:0 эсебинде жеңишти камсыздап, жарым финалга чыккан.

Жарым финалда Америка Кошмо Штаттарынын өкүлү Аделин Грейге каршы туруп, тилекке каршы 3:2 эсеп айырмачылыгы менен жеңилүү ызасын тартып калган.

Ал эми коло байге үчүн болгон беттеште түркиялык Ясемин Адар аттуу спортчу кыз менен кез келип, тилекке каршы, таза жеңиш менен атаандашына утулуп калган.

Муну менен мекендешибиз Токио Олимпиадасында 5-орунду камсыз кылган.

Эске салсак, Айпери Медет кызы 2017-жылы Финляндияда өткөн Дүйнө чемпиондугунда алтын медалдын жеңүүчүсү. 2020-жылы Индияда өткөн Азия чемпиондугунда күмүш медаль, 2020-жылы Сербияда өткөн Дүйнө Кубогунда коло медалдын ээси. Мындан тышкары бир канча эл аралык мелдештерде байгелүү орундардын жеңүүчүсү.

17:30 09-08-2021

Автор: Жанбулат Жумабеков

Жазылуу

РУБРИКАДАГЫ СОҢКУ КАБАРЛАР

09:51 2024-04-27 | Саясат

Президенттик администрацияда коммерциялык эмес уюмдардын иштөө тартиби талкууланды 27 0

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 555 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 1145 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 727 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 1171 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 557 0

Архив

Комментарийлер (5)

esmanur

2021-08-09 18:42:20

Ийгилик, Аллах өзү колдосун, алтын медаль буюрсун!

PFC-CSKA

2021-08-09 20:57:25

Чындыгында Токиодо откон олимпиадада минимум кумуш медаль уткансын калыстар акмактык кылып америкага тартып койбодубу а так красавица буюрса Парижде алтын утасын!!!

surgeon777

2021-08-09 22:22:06

Калыстардын калыссыздыгы болбогондо утмаксын,кечирим сураба,сен биз учун уже женуучусун,уже уттун,акмактардын кылганын баардыгы корду!

Aimani

2021-08-09 22:23:31

Биз учун алтын уткандай эле болдун Айпери.Эч кейибе.Парижде ийгилик коштосун сени.!!!

kulgutai

2021-08-10 09:58:43

Инша Аллах

Комментарий калтыруу үчүн өз ысымыңыз менен кириңиз же каттоодон өтүңүз.